හමුදාව පජාත කළ විනයාරක්ෂාධිපති ලක්ෂ විස්සක් මාටියා ගහලා..! ඉතාලි කාන්තාවකගෙන් පැමිණිලි..! ඔහුට එරෙහි චෝදනා පත්‍රය මෙන්න..!

-සොල්දාදු උන්නැහේ ලියයි

(ලංකා ඊ නිව්ස් -2023.සැප්.19, ප.ව.10.30) ශ්‍රී ලංකා යුද හමුදාව දවසට දෙකට පජාත කර  දැමූවන් අතර අග්‍රස්ථානය හිමිවනුයේ වර්තමාන  විනයාරක්ෂාධිපති අති දූෂිත කුප්‍රකට මේජර් ජෙනරාල්  ක්ලිෆර්ඩ් සොයිසා හට  බැව් යථාර්ථයක් වී අවසන්ය.

පිළිකුලකින් හිරිකිතකින් තොරව දූෂණයේ යෙදෙමින් මහජන මුදල් කාබාසිනියා කර විලිලැජ්ජාවක් නොමැතිව විනය ආරක්ෂා අධිපති බලතල ද අවභාවිතා කරමින් තමන්ගේ පශ්චාත් භාගය ලෙවකන  සට්ටැඹියන්ගේ නීති විරෝධී ක්‍රියා සියල්ල යට ගසමින් තමාට විරුද්ධ වන්නන් හට බොරු චෝදනා නගමින් නීතිය නැවීම කලාවක් නම් එහි පිකාසෝ  "බිංදු" ලෙස අන්වර්ථ නාමයෙන් හඳුන්වනු ලබන්නේ මේ  මෙම මේජර් ජෙනරාල් ක්ලිෆර්ඩ් සොයිසා ය

යුද හමුදා පොලිසියේ ඇත්තෝ ම මොහුව " බිංදු " යන අනුවර්ත නාමයෙන් හඳුන්වනු ලබන්නේ එදා මෙදා තුර යුද හමුදා පොලිසියේ ඔහුගේ මැදිහත් වීමෙන් සිදුකරනු ලැබූ විමර්ශනයන් සියල්ලම අසාර්ථක වීම සහ අවසාන ප්‍රතිඵලය බින්දුවක් ලෙස නිගමනය වීම නිසා ය.

සිහින දකින ප්‍රොරෝමාෂල්...

පසුගියදා පැවැත්වූ ආසියානු කුසලාන ක්‍රිකට් තරඟය පරයා උණුසුම්ව නැගෙන හමුදාපති සටන කරට අරන් ක්‍රියා කරන්නන් අතර ඉදිරියෙන්ම සිටින මේජර් ජෙනරාල් ක්ලිෆර්ඩ් තමාට හිතවත් අයකු යුද හමුදාපති  කරවීමේ  සටනේ යටිකූට්ටු කුමන්ත්‍රණ  දියත් කරමින් සිහින හමුදාපතිවරු බිහිකිරීමට කොන්දේසි විරහිතව කඩේ යමින් සිටී.

වර්තමාන යුද හමුදාපති අපහසුතාවයට ලක් වූයේ මූලිකවම මොහුගේ සටකපට  දෙබිඩි වැඩවලිනි. මෑතකදී යුද හමුදාපති සහභාගිත්වයෙන් යුද හමුදා පොලිස්  වර්ණ රාත්‍රී අවසන්ව නිලධාරී  නිවාසයේදී පවත්වනු ලැබූ  සාදය ඉන් එකකි. තම යුද හමුදාපතිවරයා  තමාගේ වහලය යට දී ආරක්ෂා කරගත නොහැකි වූ දෙකයි පනහේ විනයාරක්ෂාධිපති කෙනෙක් යටතේ යුද හමුදාවේ විනය ගැන කුමන කතාද ?

වැන්දඹු පවුල මාකට් කරලා සල්ලි ගරලා....  

දෙවන යුධ හමුදා පොලිස් හේවා  බලකායේ මියගිය සෙබළකු වූ  කෝප්‍රල් අබේරත්නගේ බිරිඳ වන දිලිනි ප්‍රියශාන්ති අබයරත්න නැමැති වැන්දඹුව හට අඟුරුවැල්ල ප්‍රදේශයේ නිවසක් ඉදිකර දීමට යැයි පවසමින් අගතියට පත් වැන්දඹු  බිරිඳ සහ දරු දෙදෙනාගේ ඡායාරූප පෙන්වමින් පරිත්‍යාගශීලී කාන්තාවන් රැසක් නොමඟ යවමින් පරිත්‍යාග මුදල් විශාල ප්‍රමාණයක් මේ අපූරු විනයාරක්ෂාධිපති යටි මඩි ගසා තිබේ.

යුධ හමුදා පිළිවෙතට අනුව යුධ හමුදා ක්‍රියාකාරකම් සඳහා සිවිල් ජනතාව විසින් ලබා දෙනු ලබන සියලුම  මුදල් ආධාර  යුධ  හමුදාපති අරමුදල හරහා ද, භාණ්ඩ යුධ හමුදා විධායක ජෙනරාල් ශාඛාව  වෙතින් ලබාගන්නා  අවසරයකට යටත්ව පමණක් ලබාගත හැකිමුත් මෙම මේ විනයාරක්ෂාධිපති විසින් යුධ හමුදා මූල්‍ය අණ පනත් මුදල් රෙගුලාසි තුළින් සූක්ෂමව රිංගා යමින් යුද හමුදා පිලිවෙත පරිබාහිරව ඉහත කී ඉහත කී මුදල් වංචා කර තිබේ.

සමනල ගැටයට අසුවුණු  කාන්තාවන් අතර චමිලා මහත්මිය..

මොහුගේ මෙම සමනල ගැටයට අසුවුණු  කාන්තාවන් අතර කැනඩාවේ පදිංචි  චමිලා ජයතිලක මහත්මිය මුල් තැනක් ගන්නා අතර ඇයගෙන් ලක්ෂ 30 ක මුදලක්  මෙම නිවස ඉදිකිරීමට යයි පවසමින් ලබාගෙන තිබූ අතර එම මුදලින්ද කොටසකට   වගකී මේ විනයාරක්ෂාධිපති ඉතුරු කොටසෙන් නිවසේ වැඩ අඩක් නිමකර ඡායාරූපගත කර පරිත්‍යාගශීලීන් විශාල ප්‍රමාණයකට එම ඡායාරූප යවමින් ලබාගත් මුදල් අදටත් ගිණුම්කර නොමැත. අඩක් නැංවූ බිත්ති ද එම ප්‍රමාණයෙන්ම පැවතුණේ  වින්දිත දරු පවුල කබලෙන්  ලිපට දමමිනි.

ලක්ෂ 20 මාටිය ගැහිල්ල....

එක තැනම වැඩ නැවතුනු නිවසට වඩා මාටියා ගැහිල්ල  දිනෙන් දින ඉහළ මට්ටමක  පැවතීම නිසා නිවසේ වැඩ දවසෙන් දවස අඩාල වන්නට විය. ඒ අනුව තවත් පරිත්‍යාගශීලීනියක් ඇමට ඡායාරූප යවා  බිලී බාගැනීමට මේ විනයාරක්ෂාධිපතිට  හැකිවිය.

ඉතාලියේ පදිංචිව සිටින එකී කාන්තාව අසරණ වූ  සෙබල පවුල සහ අඩක් නිමවූ නිවසේ ඡායාරූප  දැක රුපියල් ලක්ෂ 20 ක මුදලක් මෙම නිවසෙහි ඉදිරි වැඩ නිමකිරීම සඳහා යුද හමුදා විනයාරක්ෂාධිපති සොර දෙටුවා වෙත ලබා දී තිබේ.

හිරිකිතකින් තොරව එම සියළුම මුදල තමන් ඇතුළු තම පවුලේම පංචස්කන්ධ පිනවීම සඳහා අපයෝජනය කළ  මේජර් ජෙනරාල් ක්ලිෆර්ඩ් සොයිසා අසරණ වූ සෙබළ දරු පවුලේ විලාපය නෑසුනා සේ කල් ගෙවීය.

ලක්ෂ 20 ගැන හොයන්න ඉතාලි කාන්තාවගෙන් හමුදාපතිට පැමිණිල්ලක්...

බොරුවට ආයුෂ නැත. තමා දුන් මුදලට සාධාරණයක් ඉෂ්ඨ වූයේ දැයි ඉතාලි කාන්තාව දිගින් දිගටම සොයා බැලීමේදී එම මුදල වින්දිත වැන්දඹුව හෝ ඇගේ පවුල වෙත ලැබී නොමැති බව මෙන්ම අඩක් නිමවූ නිවස ඒ අයුරින්ම පවතින බව දැන ගෙන තිබේ.

තමා දුන් මුදල් කුප්‍රකට මේජර් ජෙනරාල්  ක්ලිෆර්ඩ් සොයිසා විසින් හිරිකිතයකින් තොරව යටි මඩි ගසා ඇති බව සාක්ෂි ඇතිව සොයා ගත් කාන්තාව මේ පිළිබඳව විමර්ශනයක් සිදුකරන ලෙස යුද හමුදාපති වෙත ලිඛිතව ඉල්ලීමක් කර ඇත

ඉල්ලීමක් පමණක්  කර බලා නොසිටි එම කාන්තාව දිගින් දිගටම  මෙම මුදල් වලට සිදු වූ දේ පිළිබඳව විනයාරක්ෂාධිපති ක්ලිෆර්ඩ් සොයිසා ගෙන් ප්‍රශ්න කරන්නට ද වූවා ය.

වැඩේ නන්නා පෝල් වෙන්න යන්නේ...

වැඩේ නන්නා පෝල් වීමට යන බව දැනගත් සොයිසා නිවස ඉදිකිරීමේ ව්‍යාපෘතිය භාරව සිටි  ගිරිතලේ දෙවන ශ්‍රී ලංකා යුද හමුදා පොලිස් හේවා බලකායේ අණදෙන නිලධාරී ලූතිනන් කර්නල්  නේරංගමට සොරාගත් මුදලෙන් කොටසක් ලබාදී  කාන්තාවගේ ලක්ෂ 20 පරිත්‍යාගය පිළිබඳව කෙල බිඳක් නොහෙලන ලෙස ඇවිටිලි කර ඇත. තවද ඔහුව කොළඹට ගෙන්වා දෙන බවට පොරොන්දු වූ විනය ආරක්ෂාධිපති සිය පොරොන්දුව ඉෂ්ට කරමින් පොලිස් හේවා බලකා මධ්‍යස්ථානයේ මාණ්ඩලික නිලධාරියෙකු ලෙස ඔහුට ස්ථාන මාරු වීමක් ද ලබා දුන්නේ ය.

ලිඛිතව මෙන්ම වාචිකව මේ පිළිබඳව පැමිණිලි ගලා එද්දී කර කියා ගත දෙයක් නොමැති වූ මේජර් ජෙනරාල්  ක්ලිෆර්ඩ් සොයිසා තම බලකාදිපති ධූරය අවභාවිතා කරමින් තමා යටතේ ඇති යුද හමුදා පොලිස් හේවා බලකා ඒකක 7 වෙත නිවසේ වැඩ නිම කර දීමේ වගකීම භාර කළ අතර ඒකකයන් හතෙහි අණදෙන නිලධාරීවරුන් මේ යක්ෂයාගේ නැසී ගිය මව මතක් කරමින් තමන්ගේ ඒකකයන් නඩත්තු කිරීමට ඇති මුදලින් නිවසේ වැඩ නිම කිරීමේ  නිරත වූහ.

කෙසේ වෙතත් අවසානයේ ඉහත කී ප්‍රශ්නගත නිවස ඉදිකිරීම් අවසන්ව එම නිවස මියගිය සෙබළාගේ පවුලේ අයට භාරදීමට සිදුකරනු ලැබූ ආරාධනාව බාර ගැනීම හමුදාපතිවරයා ප්‍රතික්ෂේප  කර තිබිණ. මන්ද යත් ඔහුට සිද්ධියේ දූෂනය වාර්තා වී තිබූ නිසා ය. නමුත් ක්ලිෆර්ඩ් සහ බිරිඳ කිසිවක් සිදු නොකළා සේ ඉදිකළ නිවස ඉදිරිපිට සිට ඡායාරූප නම්  ගත්තෝය. ඡායාරූප ගත්තේ නම් හොඳකට නොව නිවස ඉදිකිරීමට යයි පවසා මුදල් ගත් අන් අයට  නිවස ඉදිකර භාරදුන් බවට පෙන්වීමට සහ තවත් කාන්තාවන් අන්දා හෝල්සේල් පරිත්‍යාග ලබා ගැනීමට ඇමට භාවිතා කිරීමට ය.   

ඉතාලියේ වෙසෙන කාන්තාව විසින් හමුදාපති වෙත එවන ලද ලිපිය සබැඳිව යුද හමුදාපතිවරයා මෙම දූෂනය යට නොගසා ලක්ෂ 20 ක් හොරා කෑ මේජර් ජෙනරාල් ක්ලිෆර්ඩ් සොයිසා  බලකාධිපති සහ විනයාරක්ෂාධිපති තනතුරුවලින් ඉවත් කොට පරීක්ෂනයක් පැවැත්විය යුතුය. නොඑසේ නම් ඒ ලක්ෂ 20 ගසා කෑමේ දූෂනයට හමුදාපතිවරයා ද අලගුවක් වනු ඇත.  

හමුදාපතිට අභියෝගයක් සහ හමුදා මාධ්‍ය ප්‍රකාශකට ප්‍රශ්න පත්තරයක්.....

1. ඉතාලියෙහි පදිංචි කාන්තාවකගෙන් මෙම නිවස ඉදිකිරීම සඳහා ලක්ෂ 20ක මුදලක් ලබා ගෙන තිබේද ?
2. ලබාගෙන තිබේ නම් මුදල් ලබා ගැනීම හමුදා නීතියට අනුකූලව සිදු කර තිබේ ද ?
3. ලබාගත් මුදල් ගිණුම් ගත කර තිබේද ?
4. එම මුදල් ඉහත කී නිවස ඉදිකිරීම සඳහා භාවිතා කර තිබේද ?
5. තමා විසින් ලබාදුන් ලක්ෂ 20 ක මුදල නිසියාකාරව ඒ නිවෙස ඉදිකිරීමට යොදා ගෙන නැති බවට සහ මුදල් වලට සිදු වූ දේ පිළිබඳව සොයා බලන ලෙසට ඉතාලියේ පදිංචි කාන්තාව විසින් යුධ හමුදාපතිට හෝ යුද හමුදාවේ වෙන යම් ආයතනයකට ලිඛිත පැමිණිල්ලක් සිදුකර තිබේද?
6. මේ වන විට එම ලිඛිත පැමිණිල්ල යුද හමුදාවේ කවුරුන් සතුව තිබේද ?
7. එම ලිඛිත  පැමිණිල්ල සඳහා ගත් ක්‍රියාමාර්ගය කුමක්ද ?

ක්ලිෆර්ඩ් සොයිසාගේ බිරිඳ ප්‍රියන්තිකා සොයිසාට ද දැඩි අප්‍රසාදය....

දූෂනයට නම ගිය ක්ලිෆර්ඩ්  සොයිසාගේ භාර්යාව ප්‍රියන්තිකා සොයිසා ද ඊට  නොදෙවැනි වීම දෛවයේ සරදමකි. කිරුළපන මහාමාත්‍ය විද්‍යාලයේ ගුරු වෘත්තියේ යෙදෙන බවට පෙනී සිටී. සමස්ත යුද හමුදා සේවා වනිතා  පද්ධතියම බල්ලාට  දමමින් ඇය යුද හමුදා පොලීසියේ සේවාවනිතා සභාපතිනිය ලෙස  පත්කෙරිණ.

ඇය විසින් මූලාසනය හෙබවූ එම සේවා වනිතා ඒකකයේ විසිදෙවන මහා සභා රැස්වීම පසුගිය  16 වන දින පොල්හේන්ගොඩ යුධ හමුදා කඳවුරෙහි පැවැත්වුවද ඇයට විරෝධය දක්වමින් බොහොමයක් වනිතාවෝ එදින නොපැමිණියහ. තමාගේ නායිකාව ලෙස දූෂණයේ යෙදෙන තැනැත්තියක් කිසිසේත් පිළිනොගන්නා උගත් බුද්ධිමත් කාන්තාවන් 200 ක් පමණ ඇයව අමු අමුවේ ප්‍රතික්ෂේප කළහ. කොටින්ම කියනවා නම් මැනිං ටවුන් නිලධාරී නිවාස වල සිටි නිලධාරී වරුන්ගේ බිරින්දෑවරුන් පවා අවස්ථාවට සහභාගි වූයේ නැත.

විනය ආරක්ෂාධිපතිගෙන් ව්‍යාජ ෆේස්බුක් කමෙන්ට් බලකායක්....

තමන් මහ දවල් සිදුකරනු ලබන වංචා, දූෂණ, අක්‍රමිකතා, යුධ හමුදා අනපනත් උල්ලංඝනය කිරීම්, නීතිය නැවීම්, දිගින් දිගටම  සමාජ මාධ්‍ය මගින් අනාවරණය  වීම නිසා ඊට පිළිතුරු සැපයීම සඳහා  සට්ටැඹි පරිවාරකයන්  සහ යුද හමුදා පොලිසියේ විශ්‍රාමික සංගමයේ සාමාජිකයන් ලවා එම සාමාජිකයන්ගේ මෙන්ම ව්‍යාජ ෆේස්බුක් ගිණුම්  භාවිතා කරමින් සිටී.  අප සහ අනිකුත් සමාජ  මාධ්‍යන් ද කරනු ලබන අනාවරණයෙන් අසත්‍ය බවටත් යුදහමුදාව ඉලක්ක කරගනිමින් අසත්‍ය ප්‍රචාර ගෙන යන බවටත් පශ්චාත් භාගයෙන් හිනායන ෆේස්බුක් කොමෙන්ටු දමන්නේ ඔවුන් ය.

විනයාරක්ෂාධිපති මේජර් ජෙනරාල් ක්ලිෆර්ඩ් සොයිසාගේ පෙර වැරදි...

1.  2004 වර්ෂයේදී යුද හමුදා විශේෂ විමර්ශන ඒකකයේ කටයුතු කරනු ලැබූ සමයේ ඔබේසේකරපුර සුප්‍රසිද්ධ ඔබේසේකර වලව්වේ ෆෙඩ්රික් හාමුගේ සහකරු සරත් වීරසේකර යන අයගෙන් කප්පම් මුදල් ලබාගෙන එම මුදල් වලින් හෝමාගම ප්‍රදේශයේ සුවිසල් නිවසක් ඉදිකිරීම සහ එම ලබාගත් මුදල් සාධාරණ බව පෙන්වීම සඳහා කිසිදු වරදක් නොකළ යුධ හමුදා මේජර්වරයෙකු වන නෙල්සන් නැමැත්තෙකු අනීතිකව දින තුනක් සිරගත කර තබා ගැනීම.

2. පසුගිය දිනක යුද හමුදා පොලිස් හේවා රෙජිමේන්තුවේ සියලුම නිලධාරීන් ඉදිරියේ නිලධාරී නිවස්නයේදී එම බළකායේම බ්‍රිගේඩියර් වරයෙකු වන සලේ  (මේජර් ජෙනරාල් සලේගේ සහෝදරයා) හට බීමතින් පහර දී විනයාරක්ෂාධිපති ධූරයට නොගැලපෙන අයුරින් හැසිරීම.

3. ඔහුගේ බිරිඳ ගුරු වෘත්තියේ නියැලෙන කිරුළපන මහාමාත්‍ය විදුහලේ වැසිකිළි පද්ධතිය අලුත්වැඩියාවට, වැසිකිලි සුද්ද කිරීමට සහ වෙනත් පිරිසුදු කිරීමේ ක්‍රියා සඳහා පොල්හේන්ගොඩ යුද හමුදා කඳවුරෙන් හමුදා පොලිස් සාමාජිකයන් යෙදවීම.

4. වාහන හයක් සහ මසකට මිලියන ගණනක තෙල් අවභාවිතා කිරීම.

යු.හ. 17046 මොන්ටෙරෝ ජීප් රථය සඳහා, මාසිකව ඉන්ධන ලීටර්  625 ක් ලබා ගනී.
යු.හ 51375 සුදු කයිරෝන් ජීප් රථය සඳහා මාසිකව ඉන්ධන ලීටර් 525 ක් ලබා ගනී.
යු.හ 50018 කයිරෝන් ජීප් රථය සඳහා මාසිකව ඉන්ධන ලීටර් 525 ක් ලබා ගනී.
යු.හ 51278 KDH වෑන් රථය සඳහා ඉන්ධන සීමාවකින් තොරව ලබා ගනී.  
යු.හ 10281 ටොයෝටා කාර් රථය සඳහා ඉන්ධන ලීටර් 625 ක් ලබා ගනී.
යු.හ 16154 සුසුකි කාර් රථය සඳහා ඉන්ධන සීමාවකින් තොරව ලබා ගනී.

5. ආරක්ෂක ලේකම්වරයාගේ භාර්යාව යටතේ රාජකාරි කළ මේජර් තාරක  ගණේෂ් ලේකම් නිවසේ පෞද්ගලික ප්‍රශ්නයක් මුල් කරගෙන දින දහයක් සිරකුටියක රඳවා ඔහුගේ මානව හිමිකම් උල්ලංඝනය කිරීම.

6. ඔහුගේ භාර්යාව වන මහාමාත්‍ය විද්‍යාලය ගුරුවරියක් ලෙස කටයුතු කරන  ප්‍රියන්තිකා ද සොයිසා නැමැත්තිය සමග අනියම් සම්බන්ධයක් පැවැත්වූ යැයි කියා ශ්‍රී ලංකාවේ යුධ හමුදා පාබල රෙජිමේන්තුවේ මේජර් වරයෙක්  අසත්‍ය චෝදනා නගා අනීතිකව අත්අඩංගුවට ගැනීම.

7.  ශ්‍රී ලංකා යුද හමුදා පොලිස් හේවා බලකායේ රූමත් සෙබලියන් තම පෞද්ගලික කාර්ය සහායිකා ලෙස තබාගනිමින් වාචික සහ ශාරීරික ලිංගික හිංසනයන් සිදු කිරීම.

8. යුද හමුදාව තුළ  හමුදා නීතිය නවමින් නිවැරදි කරුවන් වැරදිකරුවන් කර වැරදිකරුවන් නිවැරදි ලෙස පෙන්වාදෙමින් හමුදා  සාමාජිකයන් දේශපාලන සහ පෞද්ගලික පළිගැනීම්වලට ලක් කර  සමස්ත රණවිරු ඡන්ද ලක්ෂ 40 ක ප්‍රමාණයක් ඉදිරි මැතිවරණයකදී වත්මන් ජනාධිපතිවරයාට එරෙහිව භාවිතා  කිරීමේ කුමන්ත්‍රණයේ කොටස් කරුවෙකු වීම.

9. තමාගේ දූෂණ සහ එතුලින් හමුදාවට විය හැකි හානිය විද්‍යුත් මාධ්‍ය ධාරාවන්ට මාධ්‍ය සාකච්ඡා පවත්වා හෙළි කළ එක්සත්  රණවිරු සංවිධානයේ කැඳවුම්කරු අසේල ධර්මසිරි නමැත්තාගේ අතිශය පෞද්ගලික තොරතුරු යුධ හමුදා ලිපිගොනු තුළින් නීතිවිරෝධීව ලබාගෙන යුධ හමුදා මූලස්ථානයේ සේවය කරන මොහුගේ  සට්ටැඹියෙක් වන  මේජර් චරිත සූරියබණ්ඩාර නැමැත්තා හරහා සමාජ මාධ්‍යට මුදා හැරීම (මේ සබැඳිව අගතියට පත් පාර්ශවය විසින් අපරාධ පරීක්ෂණ දෙපාර්තමේන්තුවට සහ හමුදාපතිට පැමිණිලි කර ඇති අතර කොළඹ අලුත්කඩේ උසාවි අංක එකේ නඩුවක්ද ගොනු කර ඇත)

10.  ආඥාපති ඉදිරි නඩත්තු පෙදෙස (උතුර) ලෙස කටයුතු කරන සමයේ නිලධාරීන්ට සහ සෙසු නිලයන්ට මානසික පීඩන එල්ල කරමින් පලිගැනීම් වල නිරතවීම සබැඳිව සේනාධිනායකයා ලෙස ජනාධිපතිවරයා දැනුවත් කිරීමෙන් අනතුරුව ඒ සම්බන්ධයෙන් පරීක්ෂණයක් පැවැත්වීමට හමුදාපතිවරයාට එවන ලද ලිපි තම කැඩෙට් නිලධාරී පාඨමාලා සගයා වන යුද ලේකම් මාර්ගයෙන් අස්ථානගත කිරීම.

11. යුද හමුදා පොලිස් හේවා බලකායේ බලකාධිපති ධූරය අවභාවිතා කරමින් යුධ හමුදා මූල්‍ය පනත රෙගුලාසි අමු අමුවේ උල්ලංඝනය කරමින් වර්ණ  යැයි පවසමින් රෙජිමේන්තු මධ්‍යස්ථානය යටතේ ඇති ඒකකයන් හතෙහි සෙබළුන් හිඟමනේ යවා  ලක්ෂ 35 ක මුදලක් එකතු කර එම මුදල් වලින් ලක්ෂ 25 ක මත්පැන්  සාදයක් සහ ලක්ෂ 5 ක තේ පැන් සංග්‍රහයක් පවත්වා මුදල් එකතු කර සෙබලුන් හට ප්ලේන්ටියක් පමණක් ලබාදීම.

12. පොල්හේන්ගොඩ මිලිටරි කඳවුර වධකාගාරයක් ලෙස පවත්වාගෙන යමින් යුද හමුදා සෙබළුන්ගේ හා නිලධාරීන්ගේ මානව හිමිකම් අමු අමුවේ උල්ලංඝනය කරමින් කටයුතු කිරීම (මෙය ශ්‍රී ලංකා මානව හිමිකම් කොමිසන් සභාවේ ද නිරික්ෂණයට සහ අවධානයට ලක් වී තිබේ)

-සොල්දාදු උන්නැහේ