දූෂිත විශ්‍රාමික විදේශ සේවා නිලධාරීන්ගෙන් මාලිමා ආණ්ඩුව පරිස්සම් වෙන්න..!

-විශේෂ ලියුම්කරුවෙකු ලියයි

(ලංකා ඊ නිව්ස් -2024.නොවැ.09, ප.ව.10.40) සේවයේ යෙදී සිටියදී දූෂණයේ නියැළුණු පිරිස් දැන් තනතුරු ලබා ගැනීමට නව රජයට ප්‍රශංසා කරති. විශ්‍රාමික විදේශ සේවා නිලධාරි කේ. එස්. සී. දිසානායක (සරත්) ඒ අතර ඉහළින්ම සිටී. ඔහු විශ්‍රාම යාමට පෙර වොෂින්ටනයේ නියෝජ්‍ය තානාපතිවරයා ලෙස අවසන් තනතුර දැරීය. විශ්‍රාම ගිය පසුවත් 2021 දී රාජපක්ෂ සබඳතා යොදා ගෙන සේවා දිගු ලබාගෙන රාජපක්ෂ බලය පාවිච්චි කරමින් තවත් මාස 3 ක් නිල නිවසේ රැඳී සිටියේ ය. ඔහුගේ වොෂින්ටන් නිල නිවස සඳහා රජය මාස 3 ක් සඳහා නිවාස කුලිය ගෙවා ඇත. ඒ ඩොලර් 24000 (මසකට 8000 බැගින්) කි. 

ඔහු 2009 වසරේ කුවේට් තානාපතිවරයා ලෙස සේවය කරමින් සිටියදී නිල රථයකින් විස්කි ප්‍රවාහනය කරමින් සිටියදී හසු වූ අතර එහි ප්‍රතිඵලයක් ලෙස ඔහුව ශ්‍රී ලංකාවට කැඳවන ලදී. 

කියුබාවේ තානාපතිවරයා ලෙස ඔහු ජනාධිපති මහින්ද රාජපක්ෂගේ බොලිවියා සංචාරය (2013) ද මෙහෙයවීය. සංචාරය සඳහා ලංකා ආණ්ඩුව වෙන් කළ ඩොලර් මිලියන 2 න් ඔහු සැලකිය යුතු මුදලක් වංචා කරන ලදී. එම වංචනික මුදල් බොලිවියාවේ සිට ඇමරිකාවේ සිටින තම දියණියගේ ගිණුමට මුදල් මාරු කර ඇති බව අමාත්‍යාංශයේ ප්‍රසිද්ධ රහසකි. 

ඔහු දැන් මාලිමා රජයට ප්‍රසිද්ධියේ සහාය දක්වයි. ඔහු සැප්තැම්බර් 24 නුගේගොඩ රැස්වීමට පැමිණ ගායක ටී එම් ජයරත්න සමඟ වේදිකාවේ අසුන්ගෙන සිටියේ ය. නව පරිපාලනයට ප්‍රශංසා කරමින් ප්‍රකාශ ද නිකුත් කරයි. 

අවසාන අරමුණ ඇමරිකා එක්සත් ජනපදයේ හෝ ඕනෑම රටක තානාපති තනතුරක් ලබා ගැනීමයි. නව පරිපාලනය මොවුන්ගෙන් පරිස්සම් විය යුතුයි. තවමත් සමහර දූෂිත හා වැඩකට නැති අය රාජ්‍ය ආයතනවලින් වරප්‍රසාද ලබති. 

හොඳම උදාහරණය නම් රවිනාථ ආරියසිංහ නම් දූෂිත විශ්‍රාමිකයා ලක්ෂ්මන් කදිරගාමර් මධ්‍යස්ථානයේ විධායක අධ්‍යක්ෂ තනතුර හොබවීම සහ රාජ්‍ය තාන්ත්‍රික පුහුණු ආයතනය පවත්වාගෙන යන කාන්ති ඩීන් (75) ය. 

ඔවුන්ගෙන් රටට කිසි දායකත්වයක් නැත, නමුත් රු. 500000.00 මාසික වැටුප සහ ඔවුන්ගේ ප්‍රවාහනය සඳහා වාහන අමාත්‍යාංශය සපයයි. 

රනිල් වික්‍රමසිංහගේ පැරණි රජය ශ්‍රී ලංකාව තවමත් පාලනය කරන බවට විශ්වාස කරන අය විදේශ අමාත්‍යාංශයේ බහුලය. මැතිවරණ කොමිසමේ පැහැදිලි විරෝධතා නොතකමින් දේශපාලන අනුගාමිකයින්ට රට හැර යාමට ගුවන් ටිකට්පත් ලබා දුන් පරිපාලනයේ සිටින ප්‍රදීපා සේරම් සහ ඇගේ ආධාරකරුවන මැක්ස්වෙල් කීගල් (ව්‍යාජ ලේඛන සාදා හසුවූ නමුත් තවම විනය ක්‍රියා මාර්ග ගෙන නොමැති) නව ආණ්ඩුවේ වැඩ පිලිවෙල කඩාකප්පල් කිරීමට ඉදිරියෙන්ම සිටින්නන්ට සැබෑ උදාහරණ වේ. 

ඉරානයේ තානාපති ලෙස එම්.එන්.ෂාහිඩ් වැඩ භාර ගැනීම මැතිවරණ කොමිසම විසින් අනුමත නොකළ අතර, ( අවසානයේ ඉමේජයක ඇති මැතිවරන කොමිසමේ ලිපියේ අවසාන ඡේදය කියවන්න) ප්‍රදීපා සේරම් ඔහුට ජනාධිපතිවරණයට දිනකට පෙර ශ්‍රී ලංකාවෙන් පිටවීමට කටයුතු සූදානම් කළාය. ඇය ගුවන් ටිකට්පත් ලබා දුන්නාය. ඔහුගේ කන්ටේනරය ඉරානයට යාමට ද ජනාධිපති මැතිවරනයට පසුව අවසර දුන්නේය. දැන් ආන්ඩුව ඔහුව ලංකාවට ගෙන්වා ගැනීමට තීරණය කර ඇත. එබැවින් සියලු වියදම්, ගුවන් ටිකට්පත්, කොළඹ සිට ඉරානයට සහ ආපසු කන්ටේනර් සඳහා ප්‍රවාහනය වියදම් සේරම් වෙතින් අයකර ගත යුතුය.

මාලිමා ආණ්ඩුවට මොවුන්ගෙන් පරිස්සම් වීමට අපි බල කරමු. 

-විශේෂ ලියුම්කරුවෙකු විසිනි